నే తొలిసారిగా - సంతొషం

నే తొలిసారిగా కలగన్నదీ నిన్నే కదా!
నా కళ్ళెదురుగా నిలుచున్నదీ నువ్వే కదా!!

స్వప్నమా, నువ్వు సత్యమో తేల్చి చెప్పవేం ప్రియతమా!
మౌనమో మధుర గానమో తనది అడగవేం హృదయమా!
ఇంతలో చేరువై అంతలో దూరమై
అందవా, స్నేహమా!

నే తొలిసారిగా కలగన్నదీ నిన్నే కదా!
నా కళ్ళెదురుగా నిలుచున్నదీ నువ్వే కదా!!

రెక్కలు తొడిగిన తలపు నువే కదా నేస్తమా!
ఎక్కడ వాలను చెప్పు నువే సావాసమా!!
హద్దులు చెరిపిన చెలిమి నువై నడిపే దీపమా!
వద్దకు రాకని ఆపకిలా అనురాగమా !!
నడకలు నేర్పిన ఆశవు కదా,
తడబడనీయకు కదిలిన కధ,
వెతికే మనసుకు మమతే పంచుమా!

నే తొలిసారిగా కలగన్నదీ నిన్నే కదా!
నా కళ్ళెదురుగా నిలుచున్నదీ నువ్వే కదా!!


ప్రేమా నీతో పరిచయమే ఏదో పాపమా!
అమృతమనుకొని నమ్మటమే ఒక శాపమా!!
నీ వొడి చేరిన ప్రతి మదికీ బాధే ఫలితమా!
తీయని రుచిగల కటిక విషం నువ్వే సుమా!!
పెదవులపై చిరునవ్వుల దగా,
కనబడనియ్యవు నిప్పుల సెగ,
నీటికి ఆరని మంటల రూపమా!

నీ ఆటేమిటో ఏ నాటికీ ఆపవుకదా!
నీ బాటేమిటో ఏ జంటకీ చూపవుకదా!!

తెంచుకోనీవు పంచుకోనీవు ఇంత చెలగాటమ!
చెప్పుకోనీవు తప్పుకోనీవు నీకు ఇది న్యాయమా!!
పేరులో ప్రణయమా, తీరులో ప్రళయమా!
పంతమా! బంధమా!!

నీ ఆటేమిటో ఏ నాటికీ ఆపవుకదా!
నీ బాటేమిటో ఏ జంటకీ చూపవుకదా!!